الجزء الثانى لعبة سيلك رود

الى عاوز يلعب اللعبة دى يقراء وميدعيش عليا

تم تصغير الصوره ,لمشاهدة الصوره بحجمها الأصلي أضغط هنا.

كيف تقوم ببيع الـ items ؟
ازاى تفتح محل و تبيع و تشترى

اول حاجة تدوس حرف A هيطلعلك حاجات كتير تختار حاجة اسمها open stall

هيطلعلك رسالة تكتب فيها اسم المحل ( تكتب اللى انت عايز يعنى مثلا cheap او good items او حتى بجنيه و نص تعالى بص )

المهم بعد ما تكتب اسم المحل هتلاقى المحل بتاعك اتفتح , تبدا بقى تحط الحاجات اللى انت عايز تبيعها و تحط لكل حاجة السعر اللى انت عايزه ( طبعا متغليش السعر اوى عشان الناس تيجى تشترى منك )

و بس بعد ما تحط كل حاجة هتلاقى فى حاجة فوق اسمها open stall تدوس عليها و هتلاقى الناس جت تتفرج ع المحل بتاعك

عجبتهم بضاعتك و اسعارك هيشتروا منك

معجبهمش هيبصوا و يمشوا
لاحظ شئ مهم جدا جدا ... لا تقم بفك اكثر من Force اختر واحد فقط .. و عندما تصل الى level متقدم ..يعني اعلى من 18 قم باختيار Force اخر للمساعده
فعلا صعب جدا الحصول على Skill points في المراحل المتقدمة .. لذا قم بادخار ما تستطيع
ما هي الـ Party ؟
ال party هو روح كل العاب MMPORG لانه بيدى معنى للمشاركة و التعرف على اصدقاء ... و فى لعبتنا دى فى تلات انواع party او ممكن نخليهم اربع انواع ...

اول نوع هو exp each get ... items distribution... و النوع ده هو المنتشر لانه لا يسمح بالتشارك فى الexp و ال drops او ال loots فكل واحد بياخد ال exp و ال items اللى بيلاقيها بدون ما يشارك فيها مع حد ... الميزة الوحيدة فى البارتى دى هى ال bonus exp
يعنى بتاخد exp زيادة شوية عن ال exp بتاعتك مقابل انك عملت party ...
و النوع ده من ال party مينفعش يزيد عن اربع اشخاص

تانى نوع هو exp auto share ... item distribution
و النوع ده بيخلى كل الشتركين فى ال party يتقاسموا ال exp اللى بيحصلوا عليها مع بعض
يعنى نفرض ان ال party فيها 10 اشخاص و ال 10 دول قتلوا 200 وحش ال 200 وحش دول ال exp اللى طلعت منهم تتقسم عليهم بالتساوى ... بس طبعا فيه قيود ... لازم تكون فى مسافة قريبة من ال party يعنى لو بعدت عنهم هتلاقى لونك اتغير و ده معناه انك مش هتاخد اىexp و لو صاحب ال party لقاك قاعد مبتحاربش و بتعمل زكى و بتاخد exp ببلاش ممكن يطردك
و النوع ده ميزته انه بياخد عدد كبير من الناس بس عيبه اللى معظم الناس مبتحبوهش انه بيحسسك انك فى نظام شيوعى ... يعنى ممكن واحد يقتل وحوش كتير وواحد تانى يقتل وحش واحد و فى الاخر بيتشاركوا مع بعض ... عشان كده النوع ده بيتنفذ بين الاصحاب لما يكونوا عايزين يحاربوا وحش قوى ...

النوع التالت بقى هو exp auto share items auto share
و زى ما واضح من الاسم فانتوا مش بس بتتشاركوا فى ال exp ده انتوا كمان بتتشاركوا فى الدهب و ال items اللى بيقع من الوحوش .... و النوع ده نادر اوى انوا يستخدم لان مفيش حد بيرضى يشارك الدهب و ال items مع حد تانى ....

النوع الرابع اكيد هيكون exp distribution... item auto share
و طبعا عرفتوا معناه ايه من غير ما اشرحوا
نيجى بقى لحاجة تانية مهمة جدا برضة فى اللعبة اسمها ال Enchanting
انت ممكن تخلى ال lvl بتاع ال item بتاعتك اقوى من الlvl بتاعها بالكيمياء او ال Alchemy

اكيد كتير منكوا شاف حاجات اسمها elixers
فيه elixers weapon >>>> و ده بيستخدم مع الاسلحة
elixers accessory>>>> و ده يستخدم مع الجواهر سواء كانت عقد او خاتم او حلق elixer protector >.>> و ده يستخدم مع كل انواع الملابس protector germant armour elixers shield >>> و ده بيستخدم مع الدروع

و دول بردوا لو لقيتوهم متبعهمش لان ليهم اسعار خاصة

و دول بيخلوا الitem +1 +2+3+4+5+6+7+8+9
و كل ما الرقم يزيد تلاقى لو السلاح بيتغير يعنى مثلا +3 ........... white glow
+4 ......... silver glow
+5............ purple glow
+6..........red glow
+7 +8....... gold glow
+9 ........... blue greenish glow

و على فكرة ممكن تلاقوا item من دول فى ال drop برضه متبعهمش عشان بيكون ليهم سعر خاص

نيجى بقى لطريقة عمل الحاجات دى ... تدوس A بعين تختار Alchemy و تحط ال item اللى انت عايز تخليه + و تحط معاه ال elixer اللى من نفس نوعه و عشان تزود نسبة النجاح ممكن تحط معاه lucky powder بس تكون من نفس درجة ال item يعنى لو مثلا ال item 3rd degree تحط lucky powder 3rd لو 4th يبقى 4th

بعد كده تدوس joint ....و تنتظر مصير ال item بتاعتك
يا اما هيحصل ...
1- ال item ال + بتاعها يزيد و تنجح المهمة بحمد الله
2- ال enhantement fails و ممكن بدل ما ال + يزيد تلاقيه نقص
يعنى مثلا لو انت كنت +4 تلاقى نفسك بدل +5 بقيت +1
3- item broke و تفقد ال item للابد بس متخافوش دى مبتحصلش كتير

فيه بقى حاجات بتزود نسبة نجاح ال enchantemnt هتلاقوها مكتوبة تحت كل item زى
Steady ,Lucky,Immortal
Steady - The object will not lose stats if it fails. Rather it will just remain where it was.
Lucky - The object has a greater chance of a successful enchanting.
Immortal - The object can not break if enchanting fails.
و بذلك انتهيت من شرح جميع الجوانب في لعبى Silkroad Online للمبتدئين
قبل اي سؤال .. اقرأ بعناية ... ثم اسأل كما تشاء

هذه صور لأهم الاشياء لأي جديد في اللعبة .

Admin عدد الرسائل : 1198 تاريخ التسجيل : 19/06/2007

بجد ميرسي كتيرررررررررر بس مش عارفة الالوان اية حكايتها معاااااااكي

هههههههههههههههههههههه يا ادمين

مش عارف ايه حكايتها معايا بجد

ابقى ضبطى انتى بقا

مشانتى المديرة يبقا استحملى

هههههههههههههههههههههههه

Admin عدد الرسائل : 1198 تاريخ التسجيل : 19/06/2007

ههههههههههههههههههههههه
ماشي اليسا ولا يهمك

الله ينور عليكى يا ادمين اللون عسل والله و على فكرة انا اسمى عادل

lol!

Admin عدد الرسائل : 1198 تاريخ التسجيل : 19/06/2007

ميرسي عادل كنت فكراك بنت سوري بس علي فكرة انا مغيرتش اللون انا غيرت شكل المنتدي يا ريت تدخل تقول رأيك في شكل المنتدي علي منتدي شكاوي ومقترحات

» الجزء الاول لشرح لعبة سيلك رود
» ترقبو شرح لعبة سيلك رود
» لعبة القراصنة
» لعبة البورصة
» الجزء الثالث و الاخير و شكلنا هنضرب انهاردة